Larawang ipinakakalat sa social media na bagong pintura umano ang BRP Sierra Madre, peke ayon sa AFP

Itinanggi ng Armed Forces of the Philippines (AFP) ang kumakalat na larawan sa social media na nagsasabing pininturahan ang BRP Sierra Madre para magmukhang bago.

Ayon sa AFP, hindi totoo ang nasabing larawan at impormasyon.

Ang larawan ng barko na inilakip sa post ng Facebook Page na “NextGen PHDefense” ay hindi larawan ng BRP Sierra Madre kundi ng kuha ito ng BRP Laguna (LD-501).

Paalala ng AFP, palaging beripikahin ang mga impormasyong nababasa at nakikita sa social media bago ito ipakalat.

Ang pag-misidentify sa mga asset ng military ay maaring magdulot ng kalituhan at misinformation. (DDC)