Government-owned facilities sa EMBO barangays pamamahalaan na ng Taguig sa utos ng korte

Malugod na tinanggap ni Taguig City Mayor Lani Cayetano ang kautusan ng korte at binigyang-diin ang pag-asa ng lungsod na gawing pangkalahatang accessible ang mga pasilidad para sa mga mamamayan ng EMBO barangays.

“Malaking tagumpay ito para sa mga taga-EMBO. Ngayong nasa Taguig na ang pamamahala ng lahat ng pasilidad na ito, titiyakin nating bukas at ganap na mapapakinabangan ito ng mga taga-EMBO—hindi isasara, hindi haharangan, kundi pagbubuksan para sa serbisyong noon pa man ay dapat nilang napapakinabangan,” pahayag ni Mayor Lani.

Ito ay matapos mag-isyu ang Taguig City Regional Trial Court of Taguig ng Temporary Restraining Order (TRO) na ditektang nag-uutos sa Makati City Government na agad itigil ang pagharang sa Taguig sa pag-access at pangalagaan ang mga pasilidad ng gobyerno sa EMBO barangays.

Ang kautusan ay inilabas nitong Mayo 5 ni Taguig RTC Executive Judge Loralie Cruz Datahan na magpapatupad final at executort decision ng Supreme Court sa G.R. No. 235316 na kumukumpirma na ang mga Barangays Cembo, South Cembo, Comembo, East Rembo, West Rembo, Pembo (including Rizal), Pitogo, Post Proper Northside, at Post Proper Southside ay kilala sa tawag na EMBO na pawang nada teritoryong hurisdiksiyon ng Taguig.

Ang TRO ay nagbabawal sa Makati at agents nito sa pagtanggi sa Taguig na pumasok at gumamit sa mga properties at facilities na matatagpuan sa EMBO barangays, at maging sa pakikialam sa pangkalahatan at eksklusibong pangangalaga at operasyon ng mga nabanggit pampublikong pagmamay-ari.

Sakop sa mga pasilidad ang mga health centers, covered courts, multi-purpose buildings, day care centers, parks, at iba pang government properties na nireserbang gagamitin ng publiko sa ilalim ng Proclamation Nos. 518 at 1916.

Sa kabila ng pinal na desisyon ng Supreme Court noong 2022, mariing tinanggihan ng Makati ang Taguig sa pamamahala sa mga nabanggit na public facilities at hanggang sa magshut down ang health centers at day care centers kaya hindi na nakakuha ng mahahalagang serbisyo ang mga residente mula sa EMBO barangays.

” The court found that Taguig “ has sufficiently established extreme urgency for the present application , and that it stands to suffer grave injustice and irreparable injury without the injunctive relief prayer for,” saad pa sa kalatas. (Bhelle Gamboa)