Araw ng halalan idineklarang special non-working holiday ng Malakanyang

Idineklara ng Palasyo ng Malakanyang ang araw ng halalan sa May 12 bilang special non-working holiday.

Sa bisa ito ng Proclamation No. 878, na nilagdaan ni Executive Sec. Lucas Bersamin.

Ang deklarasyon ay para mabigyang pagkakataon ang mga botante sa buong bansa na makaboto sa May 12.

Gaganapin ang National and Local Elections sa May 12 mula 7:00 ng umaga hanggang 7:00 ng gabi.

Magkakaroon din ng Early Voting Hours para sa Senior Citizens, Persons with Disability at mga buntis mula 5:00 ng umaga hanggang 7:00 ng umaga. (DDC)