Grand Rally ng 4K Partylist at Lingap Agad sa Infanta, Quezon umukit sa kasaysayan sa dami ng dumalong supporters

Umabot sa mahigit 40,000 ang mga dumalo base sa taya ng mga organizer na halos hindi mahulugan ng karayom sa dami ng mga tao na nakiisa sa Grand Rally ng 4K Partylist at ng Lingap Agad sa Bayan ng Infanta, Quezon nitong araw ng lunes, Abril 28, 2025.

Pinangunahan mismo ni Quezon Governor Doktora Helen Tan kasama si 1st District Cong. Mark Enverga, Vice Mayor L.A. RUANTO, Bokal Julius Luces, nagnanais na maging Bokal na si Ret. Gen. Atty. Ringo Sarona at mga konsehal ng Bayan.

Ayon kay Gov. Tan, malaki ang maitutulong ng 4K Partylist lalo na kung makakuha pa ng dalawang upuan sa mababang kapulungan ng Kongreso ay mas madami pang magagawang proyekto sa Lalawigan ng Quezon.

Naniniwala rin ang gobernadora sa liderato ni Vice Mayor L.A. Ruanto na magkakaroon ng pagbabago sa Bayan ng Infanta kung mapagbigyan ng kanyang mga kababayan pero sa ginanap na Grand Rally ay ramdam na ang panalo ng opisyal dahil buhos nito ang suporta ng kanyang mga kababayan sa hindi matatawarang bilang ng mga dumalo na maituturing na isang kasaysayan sa kanilang bayan ang napakalaking pagtitipon.

Naghayag rin ng pagsuporta si Cong. Enverga kay Vice Mayor Ruanto sa kanyang kandidatura pagka Mayor dahil nakita nito ang kanyang pagiging masipag sa trabaho na kahit bise alkalde pa lamang ay ginagampanan na nito ang trabahong pang executive.

Buhos rin ang suporta ng mga kaibigan ni Ruanto na sina Makati Councilor Jhong Hilario kasama ang mga Street Boy dancer ganun din sa iba pang artist na nakiisa sa naturang aktibidad.

Ikinagalak naman ni Ruanto at buong puso siyang nagpasalamat sa kanyang mga kababayan na nakakataba ng puso sa ipinakita nitong hindi matatawarang suporta na hindi mahulugan ng karayom ang crowd sa dami ng supporters at nagmamahal sa bise alkalde.

Ayon kay Ruanto, diretso ang pagbibigay serbisyo sa kanyang mga kababayan sa programang Lingap Agad katuwang ang Serbisyong Tunay at Natural sa pamamagitan ng mga inisyatibong diskarte na lumapit sa mga National Government upang matulungan sa mga pangangailangan ang Bayan ng Infanta.

Hindi rin aniya natitinag si Ruanto sa anumang mga batikos o mga paninirang propaganda laban sa kanya dahil mas madami ang naghayag ng positibong reaksyon sa pangkalahatang kaganapan ng kanyang panunungkulan.