MYB Warriors Pilipinas, first runner-up sa 16U at 18U Divisions sa katatapos na 2nd Hotshots International Cup sa Malaysia

Itinanghal na first runner-up sa dalawang magkaibang dibisyon ang Montalban Youth Ballers (MYB) Warriors mula sa isang International Basketball Competition na idinaos sa Johor Bahru, Malaysia.

Nakuha ng MYB Warriors Pilipinas ang dalawang silver medal para sa 16U Division at 18U Division ng 2nd Hotshots International Cup 2025.

Sa 16U Division ay tinalo ng MYB Warriors Pilipinas ang mga koponan mula sa Singapore, Malaysia at Indonesia dahilan para umabot ito sa championship.

Habang sa 18U Division, tinalo ng MYB Warriors Pilipinas ang koponan mula Malaysia at Singapore.

Ang koponan mula sa Indonesia ang nag-kampeon sa 16U at ang koponan ng Australia ang itinanghal na kampeon sa 18U.

Ang MYB Warriors ay binubuo ng 11 manlalaro sa pamumuno ng nilang head coach na si Shin Del Carmen Arce. (DDC)