Bago at mas maayos na Apostille System ipinatupad na ng DFA

Sinimulan nang ipatupad ng Department of Foreign Affairs (DFA) ang pagbabago sap pag-authenticate ng PSA at NBI documents gayundin ang pagpapabuti sa Online Appointment System para sa Apostille services.

Ayon sa DFA, maaari nang mag-request ang publiko ng Apostille para sa kanilang Philippine Statistics Authority (PSA) documents sa pamamagitan ng online.

Gamit ang online system, maaaring mag-apply ng PSA Document gaya ng birth certificate, marriage certificate, CENOMAR at iba pa at pagkatapos ay pwede na itong ipa-apostillized sa e-Apostille system.

Ipinatupad na din ng DFA ang bagong Sistema para sa Apostillization ng NBI Clearance.

Ang publiko ay maaaring mag-upload ng kopya ng kanilang NBI Clearance sa dedicated portal.

Matapos ito ay maaari nang i-claim ang apostillized NBI Clearance sa itinakdang schedule.

Sa ilalim ng mas pinabuting appointment system, kailagnang magbayad ng P200 online para makakuha ng appointment slot.

Layunin nitong matiyak na lehitimong kliyente lamang ang makakapagpa-book ng appointment slots. (DDC)