Pagkakaroon ng libreng Wi-Fi at pagpapatupad ng cashless payment sa MRT-3 pinag-aaralan na ng DOTr

Pinag-aaralan na ng Department of Transportation (DOTr) at ng Department of Information and Technology (DICT) ang paglalagay ng libreng Wi-Fi sa mga istasyon ng MTT-3.

Ayon kay DOTr Sec. Vince Dizon, ang pagbibigay ng Wi-Fi access sa mga commuter ay bahagi ng mga nakalinyang programa ng ahensya at ang MRT-3 ang target na maging pilot line para sa proyekto.

Ayon naman kay MRT-3 General Manager Michael Capati, magbibigay ito ng dagdag ginhawa sa mga pasahero ng tren.

Inaaral na rin ng DOTr at MRT-3 ang pagpapatupad ng cashless payment para sa mga bumibili ng single journey ticket. (DDC)