DOTr Sec. Vince Dizon nag-inspeksyon sa MRT-3; dagdag na tatlong tren bibiyahe sa linya tuwing rush hour

Nag-inspeksyon si Department of Transportation (DOTr) Secretary Vince Dizon sa MRT-3 araw ng Lunes, Apr. 21 kasabay ng pagdagsa ng mga pasaherong nagbalikan ng Metro Manila mula sa mahabang Holy Week vacation.

Kasama ni Dizon na nag-ikot sa mga istasyon ng MRT-3 si Department of Information and Communications Technology – DICT Secretary Henry Aguda at DOTr MRT-3 GM Michael Capati.

Ayon kay Dizon, may bahagyang pagluwag sa pila ng mga pasahero sa mga istasyon ng tren matapos ang pagdaragdag ng bumibiyaheng tren upang mabawasan ang waiting time kapag rush hour.

Una nang inanunsyo ng pamunuan ng MRT-3 na magde-deploy ito ng four-car trains kapag peak hours simula araw ng Lunes.

Target ng MRT-3 na makapag-deploy ng dagdag na tatlong four-car trains sa morning at afternoon peak hours, kasabay ng pagbiyahe ng 16 na trains na mayroong three-car configuration. (DDC)