DSWD nagbabala hinggil sa ipinakakalat na pekeng CARD Program ng ahensya
Pinaalalahanan ng Department of Social Welfare and Development (DSWD) ang publiko kaugnay sa ipinakakalat na pekeng CARD PROGRAM umano ng ahensya.
Ayon sa abiso ng DSWD, hindi totoo na mayroong ibinibigay na 10 kilong bigas at P5,000 ang ahensya sa ilalim ng CAR PROGRAM.
Paalala ng DSWD sa publiko, maging maingat at huwag magpalinlang sa mga posts na hindi mula sa opisyal na Facebook page ng DSWD.
Kung makatatanggap o makababasa ng mga kahina-hinalang post o mensahe, agad itong i-report sa official communication channels o grievance hotline para makumpirma kung ito ba ay tamang impormasyon. (DDC)
