AFP itinangging ipinagbabawal ang freedom of expression sa social media

Nilinaw ng Armed Forces of the Philippines (AFP) na wala itong inilalabas na guidance na nagbabawal sa freedom of expression ng mga sibilyan sa social media.

Ayon sa AFP, walang pagbabawal sa mga sibilyan kabilang na ang mga kaanak ng mga sundalo na mag-post ng kanilang saloobin online.

Ayon sa AFP ang mga pagbisita ni AFP chief of staff Gen. Romeo Brawner Jr., sa mga AFP units kamakailan ay layong mag-reinforce ng propesyunalismo, disiplina, at misyon.

Mahalaga ayon sa AFP ang aktibidad ito para sa pagpapaigting ng core values at operational effectiveness ng Sandatahang Lakas.

Sinabi ng AFP na kinikilala nito ng Kalayaan sa pamamahayag ng lahat ng mamamayan ng bansa.

Kasabay nito ay hinimok ng AFP ang publiko na maging responsible online at maging maingat sa mga nababasang impormasyon para maiwasan ang paglaganap ng disinformation. (DDC)