Nationwide job fairs ng DOLE isasagawa sa lahat ng rehiyon sa bansa
Good news para sa mga naghahanap ng trabaho!
Nagdaraos ng job fairs ang Department of Labor and Employment (DOLE) ngayong buwan ng Marso sa iba’t ibang panig ng bansa.
Ito ay sa layong mailapit sa mga Filipino job seeker ang mga available na trabaho local at abroad.
Ayon sa DOLE, nagpapatuloy ang job fairs sa lahat ng rehiyon sa bansa.
Sinabi ng DOLE na ang nasabing aktibidad ay maituturing na crucial job-generation measure para mapanatili ang post-pandemic employment gains at economic transformation.
Ang regular na pagdaraos ng job fairs ay bahagi ng commitment ng administrasyong Marcos para sa job generation.
Sa datos ng Philippine Statistics Authority (PSA), ang employment rate sa bansa noong Enero 2025 ay umangat sa 95.7% kumpara sa 95.5% noong Enero 2024. (DDC)
