Dating Pangulong Duterte nakausap ng kinatawan mula sa Philippine Embassy sa The Hague; humiling na madalaw siya ng kaniyang abogado at miyembro ng pamilya

Nakausap ng mga kinatawan mula sa Philippine Embassy sa The Hague si dating Pangulong Rodrigo Duterte sa pamamagitan ng telepono.

Nakatanggap ng tawag ang embahada ng Pilipinas mula sa Detention Officer ng International Criminal Court (ICC) at ipinabatid sa kanila nan ais ng dating pangulo na may makausap na Consular Officer.

Tinawagan naman ng Consular Officer ang dating pangulo at binanggit nito sa embhanda na sumailalim siya sa medica check-up at nakatatanggap naman ng maayos na medical care habang nasa kostodiya siya ngICC.

Hiniling din ni dating Pangulong Duterte na personal siyang mabisita ng Embassy consular officials, at matulungan siya ng embahada para umapela sa ICC na payagan ang pagbisita sa kaniya ng kaniyang abogado at ng kaniyang pamilya.

Agad naming nagpadala ng request ang embahada sa registry ng ICC para mapagayan ang Consular Visit sa lalong madaling panahon.

Tiniyak din ng embahada na ipa-follow up ang request na madalaw ang dating pangulo ng kaniyang abogado at ng miyembro ng kaniyang pamilya. (DDC)