Sanggunian Enhancement and Capability Building Seminar ng Quezon Province, matagumpay na isinagawa

Naging makabuluhan na isinagawa ang Sanggunian Enhancement and Capability Building Seminar ng Quezon Province na dinaluhan ng mga kilalang personalidad at ng mga kilalang resource speaker upang maibahagi ang mga kaalaman patungkol sa legislative functions at mga panuntunan sa local code ng ating bansa na dalawang araw na ginanap sa Century Park Hotel, Manila nitong araw ng lunes at martes, March 10 &11, 2025.

Pinangunahan ni Infanta Acting Mayor L.A. Ruanto na siyang Pangulo ng Vice Mayor’s League of the Philippines-Quezon Chapter kasama ang mga officers ng Samahan ganun din ang halos 300 attendees sa pinagsamang mga Vice Mayor, Councilors, mga Sangguniang Bayan Staff, mga PPLB, mga SK President mula sa 32 municipalities sa Lalawigan ng Quezon.

Ayon sa mga dumalong opisyales, malaking tulong ito sa kanilang pagiging mga lingkod bayan dahil madami silang mga natutunan na magagamit o ma-implicate sa bawat magiging leader ng kanilang kanya-kanyang bayan ng nasabing Probinsya.

Sa simula pa lamang ng pagiging Pangulo ng VMLP na si Infanta Acting Mayor Ruanto ay naibahagi na niya sa kapwa nya bise alkalde kasama ang mga Konsehal ang VMLP Leadership Academy hindi lang sa Lalawigan ng Quezon kundi pati na rin sa Region at sa National ay naibahagi ni Ruanto ang naturang programa.

Umani naman ng papuri at pasasalamat ng bawat miyembro ng Samahan ang nasabing aktibidad na naging produktibo at higit sa lahat masayang naidaos kasabay ang munting kasiyahan sa gabi sa sariling inisyatibo ng kanilang Pangulo.

Tampok din sa naturang kaganapan sina Senator Imee Senator Imee R. Marcos, Senator Ramon ‘Bong’ Revilla Jr. sa pamamagitan ng kanyang kinatawan na anak na si Bokal Ram Revilla, Vice Gubernatorial aspirant sa Lalawigan ng Cavite, dating Senador Kiko Pangilinan at former Senator Bam Aquino na nagbahagi ng kanilang makabuluhang mensahe kasabay ang paglalatag ng mga mahahalagang panukalang pang National na nakasentro sa pangangailangan ng bawat Pilipino. (JR Narit)