Karampatang tulong ipinagkaloob ng Philippine Embassy sa The Hague kay dating Pangulong Rodrigo Duterte
Tiniyak ng Embahada ng Pilipinas sa The Hague ang pagkakaloob ng karampatang tulong kay dating Pangulong Rodrigo Duterte.
Ayon sa pahayag ng embahada base sa utos ng Department of Foreign Affairs (DFA) pinagkalooban ng consular assistance si Duterte nang dumating ito sa Rotterdam Airport lulan ng chartered flight RP-C5219 ganap na 11:56 nga gabi oras sa Pilipinas. p.m.
Ayon sa embahada, pagdating sa Netherlands ay nai-turn over ang dating pangulo sa mga opisyal ng Judicial Cooperation Unit ng Office of Registry ng International Criminal Court (ICC).
Dahil winter season ngayon sa Europe, ibinili ng embahada ng mga damit panlamig at care packages ang dating pangulo.
Ang mga kasama ng pangulo, kabilang ang nurse nito at nurse aide ay pinagkalooban ng dalawang araw na visa ng Immigration Authorities sa Netherlands base na rin sa kahilingan ng Embahada ng Pilipinas.
Habang ang si dating Executive Secretary Salvador Medialdea ay pinagkalooban ng 15-day visa dahil tatauo siyang abogado ng dating pangulo.
Una nang nanawagan ang embahada sa mga opisyal ng ICC at sa Netherlands Ministry of Foreign Affairs upang masusing bantayan ang medical at physical conditions ng dating pangulo. (DDC)
