Mahigit 44,000 na kababaihan nakatanggap ng Libreng Sakay sa MRT-3 sa pagdiriwang ng International Women’s Day

Umabot sa 44,872 ang bilang ng mga pasaherong kababaihan na nakatanggap ng LIBRENG SAKAY sa MRT-3 noong Sabado, Marso 8.

Ito ay bilang pagdiriwang ng International Women’s Day.

Mayroong 21,216 na mga kababaihang pasahero ang nakatanggap ng LIBRENG SAKAY mula 7:00 am hanggang 9:00 am.

Samantala, 23,656 naman ang nakalibre ng pamasahe mula 5:00 pm to 7:00 pm.

Mayroon namang kabuuang 319,052 pasahero ang naitala noong Sabado.

Ang LIBRENG SAKAY ay bilang pagkilala at pasasalamat ng MRT-3 sa mga kababaihan sa kanilang mahalagang papel sa lipunan.

Namigay rin ng libreng mga pamaypay ang MRT-3 sa mga kababaihang pasahero noong Marso 7. (DDC)