PhilHealth tiniyak na ipoproseso ang P1.1M denied claims ng iba’t ibang ospital sa bansa

Nangako ang PhilHealth na ipo-proseso nito ang nasa P1.1 million na halaga ng denied claims ng iba’t ibang mga ospital sa bansa.

Ayon sa PhilHealth, na-deny ang claim ng mga ospital dahil sa iba’t ibang rason kasama na ang late filing ng mga pagamutan.

Sinabi ni Dr. Edwin M. Mercado, PhilHealth Acting President and CEO, matagal nang hinaing ng mga ospital ang nade-deny nilang claims.

Pero ayon kay Mercado, marami sa mga na-deny ay dahil lagpas na sa deadline ang kanilang pag-file o iba pang mga administrative reasons.

Tiniyak ni Mercado na babalikan ito ng PhilHealth ay muling ipo-proseso upang ang mga ospital na naghatid ng serbisyong kinakailangan ng mga pasyente ay mabayaran.

Mula taong 2018 hanggang 2024 ay 30% ng kabuuang denied claims ay dahil sa late filing.

Pinaalalahanan ni Mercado ang mga ospital sa kahalagahan ng paghahain ng claims sa tamang oras para maiwasan ang delay. (DDC)