Pang. Marcos nag-inspeksyon sa Rice Processing System sa Isabela

Binisita ni Pangulong Ferdinand ”Bongbong” Marcos Jr. ang Rice Processing System II (RPS II) sa Echague, Isabela.

Ang pasilidad ay bahagi ng Rice Competitiveness Enhancement Fund (RCEF) Mechanization Program ng pamahalaan na pinaglaanan ng P67.48 million.

Ang RPS II na inilunsad noong November 2024 ay mayroong multi-stage rice mill na may kapasidad na three tons per hour at limang recirculating dryers na kaya ang 12 tons.

Layon ng pasilidad na mapababa ang production costs at maiwasan ang postharvest losses.

Inaasahang mapakikinabangan ito ng local rice industry at magreresulta ng stable na suplay ng bigas sa bansa. (DDC)