Pagpatay sa Assistant Schools Division Superintendent sa Sulu, kinondena ng DepEd

Mariing kinondena ng Department of Education (DepEd) ang pagpatay sa Assistant Schools Division Superintendent sa Sulu.

Tinambangan si Dr. Sonatria D. Gaspar sa compound ng kaniyang opisina sa San Raymundo, Sulu na kaniyang agad ikinasawi.

Sa pahayag, nagpaabot ng pakikiramay si DepEd Sec. Sonny Angara sa mga naulila ni Gaspar.

Kinondena ni Angara ang pag-atakeng ito sa education system ng bansa.

Ani Angara, walang puwang ang karahasan sa learning spaces.

Tiniyak din nito ang patuloy na commitment ng DepEd na tiyakin ang kaligtasan, seguridad at proteksyon ng mga educator saanmang panig ng bansa.

Ani Angara, nakikipag-ugnayan na ang DepEd sa mga kaanak ni Gaspar para sa karampatang tulong.

Nakiisa din ang DepEd sa panawagan ng mga opisyal sa BARMM para mapanagot ang nasa likod ng krimen. (DDC)