PNP official kabilang sa nasawi sa aviation incident sa Washington

KINUMPIRMA ng Philippine National Police (PNP) na isang Filipino police colonel ang kabilang sa nasawi sa aviation incident na nangyari sa Washington, D.C.

Ayon sa PNP sakay si Police Colonel Pergentino N. Malabed, hepe ng PNP Supply Management Division ng American Airlines flight na bumangga sa U.S. Army Black Hawk helicopter malapit sa Reagan National Airport.

Sinabi ng PNP na si PCOL Malabed ay nasa official travel nang mangyari ang insidente.

Nagpaabot ng pakikiramay ang PNP sa mga naulila ni Malabed. (DDC)