Duterte magaling mag-recycle ng basura, bagay sa National Solid Waste Management Commission ayon kay De Lima
Mas mainam ayon kay Senator Leila de Lima kung itatalaga ni Pangulong Rodrigo Duterte ang kaniyang sarili sa National Solid Waste Management Commission.
Payo ito ni De Lima sa pangulo kasunod ng pagtatalaga kay dating Justice Sec. Vitaliano Aguirre II bilang commissioner sa National Police Commission.
Ayon kay De Lima, bagay sa Solid Waste Management si Pangulong Duterte dahil magaling itong mag-recycle ng basura.
Una nang kinumpirma ng Palasyo ng Malakanyang na itinalaga ni Pangulong Duterte sa NAPOLCOM si Aguirre. (D. Cargullo)
