Presyo ng produktong petrolyo tataas ngayong linggo

Muling tataas ang presyo ng produktong petrolyo.

Epektibo ang dagdag presyo ng mga kumpanya ng langis, bukas araw ng Martes (January 12).

Sa abiso ng mga kumpanya, 85 centavos ang dagdag sa presyo ng kada litro ng gasolina, 25 centavos ang dagdag sa kada litro ng kerosene at 30 centavos sa kada litro ng diesel.

Kabilang sa mga nag-anunsyo na ng dagdag preso ay ang mga kumpanyang Shell, Petro Gazz, Seaoil, CleanFuel,
Total, Chevron at PTT.

Ngayong maghapon inaasahang mag-aanunsyo din ng dagdag-presyo ang iba pang kumpanya ng langis.