Malaking bahagi ng bansa uulanin ngayong araw

Tatlong weather systems ang umiiral sa bansa ngayong araw ng Lunes, Dec. 16.

Ayon sa PAGASA, apektado ng shear line ang eastern section ng Southern Luzon.

Northeast monsoon naman ang umiiral sa nalalabing bahagi ng Luzon at Intertropical Convergence Zone o ITCZ sa Mindanao.

Sa weather forecast ng PAGASA, dahil sa shear line, makararanas ng maulap na papawirin na may kalat-kalat na pag-ulan sa Quezon, Marinduque, Oriental Mindoro at Bicol Region.

Maulap na papawirin din na may kalat-kalat na pag-ulan ang mararanasan sa Eastern Visayas, Central Visayas, Northern Mindanao, SOCCSKSARGEN, Caraga, at Davao Region dahil sa ITCZ.

Northeast monsoon naman ang magdudulot ng maulap na papawirin sa Cagayan Valley, Cordillera Administrative Region (CAR) at sa Aurora.

Apektado din ng amihan ang Metro Manila at nalalabi pang bahagi ng Luzon. (DDC)