BRP Gabriela may port visit sa Manado, Indonesia

Nakaalis na ang BRP Gabriela Silang ng Philippine Coast Guard (PCG) para sa port visit nito sa Manado, Indonesia.

Ang port visit ng BRP Gabriela sa Manado ay mula Nov. 26 hanggang Nov. 30.

Ito ay matapos ang matagumpay na port visit ng Indonesian Coast Guard sa Davao noong nakaraang taon.

Sa kaniyang mensahe sa send off ceremony, ibinilin ni PCG Commandant, Admiral Ronnie Gil Gavan sa mga opisyal at crew na hindi lamang ang bandila kanilang dala-dala sa nasabing pagbisita, kundi gagampanan din nila ang pagiging mga ambassador.

Sa port visit, ang barko ng PCG at Indonesia ay magsasagawa ng mga aktibidad
gaya ng people-to-people at expert exchange program, cultural and sports activity, at working level meeting.

Papayagan din ang ship tour sa BRP Gabriela Silang kabilang ang mga Pinoy na nasa Manado.

Sa huling araw ng pagbisita ay magkakaroon ng joint maritime exercise at coordinated patrols. (DDC)