P117K na halaga ng shabu nakumpiska; suspek arestado sa Muntinlupa City

Iniulat ni Southern Police District Director, Brigadier General Bernard R.Yang kay National Capital Region Police Office Acting Regional Director, BGen Anthony A. Aberin ang pagkakumpiska ng ₱117, 000 na halaga ng hinihinalang shabu sa isang lalaking suspek, sa buy-bust operation sa Barangay Poblacion, Muntinlupa City.

Ang naarestong suspek ay kinilalang si alyas Edwin, 46-anyos.

Narekober ng mga operatiba ng Muntinlupa City Police-Drug Enforcement Unit, ang limang pakete na naglalaman ng 25 na gramo ng umano’y shabu at buy-bust money.

Sasampahan ang suspek sa paglabag sa Section 5 and 11, Article II of Republic Act 9165 (Comprehensive Dangerous Drugs Act of 2002). (Bhelle Gamboa)