Dagdag sa minimum wage sa Western Visayas epektibo na

Epektibo na ang dagdag-sahod sa mga manggagawa sa Western Visayas.

Ayon sa National Wages and Productivity Commission (NWPC), may dagdag na P33 hanggang P40 sa daily minimum wage para sa mga minimum wage earners sa rehiyon.

Mula sa dating P480 ay P513 na ang minimum na sweldo para sa mga kumpanya na mayroong higit sa 10 empleyado.

Mula naman sa P450 ay P485 na ang minimum na sweldo sa mga kumpanya na mayroong 10 pababa na empleyado.

Para naman sa agriculture sector, mula sa P440 ay P480 na ang minimum na sahod.

Samantala, tumaas din ng P1,000 ang monthly minimum wage ng mga kasambahay sa Region 6. (DDC)