Mga nagprotesta sa US Capitol naitaboy na; curfew ipinatupad sa Washington
Naitaboy na ng mga otoridad ang mga supporter ni US President Donald Trump na lumusob sa US Capitol.
Nanggulo ang mga tagasuporta ni Trump dahilan para maudlot ang pagsertipika ng Kongreso sa pagkakapanalo ni Joe Biden sa nagdaang presidential elections.
Sa ulat ng US media outlets, nagtulong-tulong ang sergeants-at-arms ng House of Representatives at Senate para matiyak na ligtas na ang Capitol matapos ang apat na oras na pag-atake.
Nagdeklara na din ng curfew si Washington Mayor Muriel Bowser at hiningi na ang tulong ng National Guard para mai-secure ang Capitol. (D. Cargullo)
