Pagsisikip sa daloy ng traffic sa NLEX aasahan dahil sa idaraos na Dua Lipa concert
Inabisuhan ng pamunuan ng North Luzon Expressway (NLEX) ang mga motorista sa posibleng pagsisikip ng daloy ng traffic sa NLEX ngayong araw, Nov. 13.
Ayon sa NLEX, idaraos ang “Dua Lipa-Radical Optimism Tour” sa Philippine Arena simula 6:00 ng gabi.
Dahil dito, inaasahan ang mas madaming bilang ng mga sasakyan sa lugar.
Paalala ng NLEX, para sa mga dadalo sa concert, maaaring dumaan sa NLEX Ciudad de Victoria exit.
Inabisuhan naman ang ibang motorista na gumamit ng alternatibong ruta para hindi maabala.
Pinayuhan din silang tiyakin na mayroong sapat na load ang kanilang RFID accounts. (DDC)
