Baybayin ng Samar at Leyte positibo sa nakalalasong Red Tide

Positibo sa Red Tide toxin ang baybayin sa Samar at Leyte base sa isinagawang laboratory examination ng Bureau of Fisheries and Aquatic Resources (BFAR) Region 8.

Ayon sa BFAR, ang filtered seawater samples na kinulekta mula sa Calubian, Leyte; Calbayog City, Samar, San Pedro Bay sa Basey, Samar, Catumbay Bay, Tarangnan, Samar at Leyte, Leyte.
ay positibo sa Red Tide toxin.

Dahil dito, inabisuhan ng BFAR ang mga residente na iwasan ang paghuli, pagbebenta, at pagkainng lahat ng uri ng shellfish labilang ang “alamang” na magmumula sa baybayin ng nasabing mga lugar.

Samantala base sa naunang Red Tide advisory ng BFAR, nananatili ang pag-iral ng shellfish ban sa sumusunod na mga lugar:

1. 𝐁𝐈𝐋𝐈𝐑𝐀𝐍 𝐈𝐒𝐋𝐀𝐍𝐃, Biliran Province
2. 𝐂𝐀𝐑𝐈𝐆𝐀𝐑𝐀 𝐁𝐀𝐘, Leyte (Babatngon, San Miguel, Barugo, Carigara, Capoocan)
3. 𝐃𝐀𝐑𝐀𝐌 𝐈𝐒𝐋𝐀𝐍𝐃, Samar
4. 𝐙𝐔𝐌𝐀𝐑𝐑𝐀𝐆𝐀 𝐈𝐒𝐋𝐀𝐍𝐃, Samar
5. 𝐈𝐑𝐎𝐍𝐆-𝐈𝐑𝐎𝐍𝐆 𝐁𝐀𝐘, Catbalogan City

Ayon sa BFAR, ligtas naman ang pagkain ng isda, pusit, hipon at alimango mula sa nabanggit na mga lugar. (DDC)