Pasok sa klase at trabaho sa gobyerno sa buong Luzon suspendido ngayong araw (Oct. 23)

Sinuspinde ng Malakanyang ang pasok sa klase at trabaho sa gobyerno sa buong Luzon ngayong araw, Oct. 23, 2024.

Ito ay dahil sa epekto ng bagyong Kristine.

Ayon sa Malakanyang sakop ng suspensyon ang klase sa lahat ng antas sa buong Luzon.

Wala na ding pasok sa mga tanggapan ng gobyerno maliban na lamang sa mga serbisyo na may kinalaman sa paghahatid ng basic at health services, paghahanda at pagtugon sa kalamidad, at iba pang mahahalagang serbisyo.

Ang suspensyon ng trabaho sa pribadong mga kumpanya ay ipinaubaya ng Malakanyang sa kani-kanilang pamunuan. (DDC)