FBI dumating sa Zamboanga Del Norte para tumulong sa imbestigasyon sa dinukot na American national

Dumating sa Zamboanga Del Norte ang mga ahente ng US Federal Bureau of Investigation (FBI) para tumulong sa imbestigasyon sa pagkawala ng isang American national.

Dinukot ng apat na armadong lalaki si Elliot Onil Eastman, 26-anyos sa bayan ng Sibuco sa nasabing lalawigan.

Ang naturang dayuhan ay may Pinay na asawa.

Pagdating sa Zamboanga Del Norte, bumisita na ang mga kinatawan ng FBI sa bahay ng asawa ni eastman sa Brgy. Poblacion.

Kapwa naglunsad na ng operasyon ang Philippine National Police (PNP) at ang Armed Forces of the Philippines (AFP) para mahanap ang dayuhan. (DDC)