Dating miyembro ng boyband group na One Direction na si Liam Payne pumanaw sa edad na 31
Pumanaw na ang dating miyembro ng boyband na One Direction na si Liam Payne.
Ayon sa mga otoridad, ang 31-anyos na si Payne ay nahulog mula sa bintana sa ikatlong palapag ng tinutuluyang hotel sa Buenos Aires, Argentina.
Rumesponde ang mga tauhan ng Buenos Aires police sa hotel matapos makatanggap ng 911 call kung saan inirereklamo ang isang lalaki na posibleng lulong sa droga o lango sa alak.
Nasa Argentina si Payne kung saan dumalo ito sa concert ng dati niyang kasamahan sa banda na si Niall Horan noong October 2. (DDC)
