2 Phreatic Eruption events naitala sa Bulkang Taal
Nakapagtala ng 2 Phreatic Eruption events sa Bulkang Taal sa nakalipas na magdamag.
Ayon sa Phivolcs, ang naitalang pagputok sa bulkan ay tumagal ng 4 hanggang 7 minuto.
Umabot sa 900 metro ang taas ng ash plume na ibinuga ng bulkan.
Nananatiling nakataas ang Alert Level 1 sa Bulkang Taal at bawal ang pagpasok sa Taal Volcano Island lalo na sa Main Crater at Daang Kastila Fissure.
Bawal din ang pamamalagi sa lawa ng Taal. (DDC)
