South African arestado matapos mahulihan ngP42M na halaga ng ilegal na droga sa NAIA
Arestado ang isang 31-anyos na South African national matapos mahulihan ng ilegal na droga sa Ninoy Aquino International Airport (NAIA).
Hinarang ng mga tauhan ng PNP Aviation Security Group at NAIA Inter-Agency Drug Interdiction Task Group ang dayuhan nang dumating sa NAIA.
Ayon sa mga otoridad, natuklasan sa bagahe ng dayuhan ang 6.2 kilograms ng “shabu” na itinago sa loob ng compartment ng bagahe.
Tinatayang aabot sa P42,000,000 ang halaga ng dalang droga ng dayuhan.
Mahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002. (DDC)
