Motor Vessel na sangkot sa “paihi” naharang sa Bulacan
Hinarang ng mga tauhan ng Philippine Coast Guard (PCG) ang isang motor vessel na sangkot umano sa fuel pilferage o “paihi” sa katubigan na sakop ng Barangay Binuangan, Obando, Bulacan.
Nagsasagawa ng maritime patrol ang Coast Guard team nang mamataan ang motor vessel na TJR 3, na may lulang walong Filipino crew.
Sa ginawang boarding inspection, natuklasan ng PCG ma walang dokumento ang barko at sangkot ito sa fuel smuggling.
Hinatak ng Coast Guard team ang TJR 3 patungo sa Pier 18, Vitas, Tondo, Manila, para sumailalim sa karagdagang imbestigasyon. (DDC)
