Motorsiklo bawal sa bicycle parking sa Muntinlupa

Binalaan ni Muntinlupa City Mayor Ruffy Biazon ang mga motorcycle rider na huwag paradahan ang mga itinayong bike parking sa iba’t ibang lugar sa lungsod.

“Let us use facilities for the purpose that they were built for. Ayoko nang makakita ng motor na nakapark sa bike parking. Pang bisikleta yan. Ipapahatak ko ang motor na naka parada sa bike parking,” ayon kay Mayor Biazon.

Aniya bahagi ng kanilang agenda na gawing magandang tirahan para sa lahat ang Muntinlupa at manatiling matatag ang lungsod sa aktibong galaw sa pamamagitan ng pagsusulong sa paggamit ng bisikleta.

“Kaya tayo nagpagawa ng mga maayos na bike parking sa mga selected areas. Pero ano ang nakikita natin dito? Mga motorsiklo na nagpark sa bike parking. May signage naman na nag identify na bike parking ito,” dagdag ng alkalde. (Bhelle Gamboa)