GMA Artist Center humingi ng paumanhin kasunod ng viral video ni Julie Anne San Jose na kumakanta sa loob ng simbahan
Naglabas ng pahayag ang GMA Artist Center kasunod ng mga batikos na natanggap ng singer na si Julie Anne San Jose dahil sa kaniyang performance sa isang simbahan.
Sa inilabas na pahayag ng Sparkle, humingi ito ng paumanhin at inako ang responsibilidad sa nangyari.
Viral ang video ni San Jose kung saan kumakanta siya ng “Dancing Queen” habang nasa loob ng simbahan.
Kita sa background niya ang altar ng simbahan.
Ayon sa Sparkle, bahagi ng kanilang trabaho ang maayos na koordinasyon at tiyakin ang malinaw na detalye mula sa mga organizer at i-relay ito sa kanilang artist.
Ginawa lamang umano ni San Jose ang kaniyang tungkulin at commitment at naging professional.
Ayon sa Sparkle, bilang isang Katoliko, hindi intensyon ni San Jose na hindi irespeto ang simbahan.
Tiniyak ng Sparkle na magiging maingat na sa kanilang coodination efforts para masigurong hindi na mauulit pa ang insidente. (DDC)
