Abalos tiwala sa kakayahan ni Remulla na pamunuan ang DILG

Kumpiyansa si dating Department of the Interior and Local Government (DILG) Secretary Benhur Abalos na nasa mabuting kamay ang ahensyang dati niyang pinamumunuan.

Sa turnover ceremony sa DILG, sinabi ni Abalos na mahirap ang trabaho sa ahensya subalit tiwala siyang kakayanin ito ni bagong Secretary Jonvic Remulla.

Tiyak aniya na maipagpapatuloy ni Remulla ang mga inilatag at isinulong na programa sa loob ng kaniyang mahigit dalawang taon na panunungkulan.

Tiwala din si Abalos na mapagtagumpayan ni Remulla ang hamon ng tungkulin sa tulong ng mga kawani ng DILG at iba’t-ibang ahensya ng gobyerno. (DDC)