Pamamahagi ng MUNwalk shoes at school supplies ng Muntinlupa LGU nagpapatuloy

Nagpapatuloy ang Pamahalaang Lungsod ng Muntinlupa sa pamamahagi ng MUNwalk sneakers, school supplies at iba pang kagamitan na nasa Balik-Eskwela package bilang suporta sa mga estudyante sa pampublikong paaralan sa siyudad.

“Bilin ko sa lahat, mag-aral nang mabuti! Nandito lang ang City Government of Muntinlupa para sa tuloy-tuloy na suporta mula sa school materials hanggang scholarship grants. Pero kailangan pa rin ng sipag at tiyaga ng bawat estudyante para magkaro’n sila ng magandang kinabukasan,” pahayag ni Mayor Ruffy Biazon makaraang pangunahan ang distribusyon ng Balik-Eskwela package.

Ayon sa alkalde, makipag-ugnayan lamang sa kani-kanilang class adviser para sa schedule ng distribution ng MUNwalk sneakers.

Kasama ni Mayor Biazon sa isinagawang pamamahagi sina Konsi Ryan Bagatsing at Konsi Arlene Hilapo habang sa Alabang ES din si Atty. Reggie Landrito na alumna ng nasabing paaralan. (Bhelle Gamboa)