MT Jason Bradley na lumubog sa Bataan muling napalutang – PCG
Napalutang na muli ang lumubog na Motor Tanker Jason Bradley sa karagatan ng Bataan.
Ayon sa update mula sa Philippine Coast Guard (PCG), iniulat ng konintratang salvor na FES Challenger na 70 percent ng MTKR Jason Bradley ang refloated na.
Ito ay kasunod ng ginawang seawater pumping at patching sa hull ng barko.
Sa sandaling makumpleto ang ginagawang proseso, hihilahin ang barko patungo sa Diving Industry Shipyard located sa Barangay Alas-Asin, Mariveles, Bataan.
Lumubog ang naturang barko na may kargang 5,500 liters ng diesel noong July 26. (DDC)
