20 nasawi, 11 sugatan dahil sa epekto ng Habagat, bagyong Ferdie at bagyong Gener

Umabot na sa 20 ang naitalang nasawi sa magkasamang epekto ng Habagat, bagyong Ferdie, at bagyong Gener.

Ayon sa datos ng National Disaster Risk Reduction and Management Council (NDRRMC), siyam sa mga nasawi ay mula sa Mimaropa, tig-apat sa Western Visayas at Bangsamoro Autonomous Region in Muslim Mindanao, 2 sa Zamboanga Peninsula, at 1 sa Central Visayas.

Nakapagtala din ng 11 nasugatan dahil sa Habagat, Ferdie at Gener.

Ayon sa NDRRMC, umabot sa halos 600,000 katao o mahigit 156,000 na pamilya ang naapektuhan ng sama ng panahon sa 12 rehiyon sa bansa.

Mayroon pang mahigit 62,000 na katao ang nananatili sa mga evacuation center. (DDC)