BREAKING: Alice Guo naaresto na sa Jakarta, Indonesia
Kinumpirma ng National Bureau of Investigation (NBI) na nadakip na sa Jakarta, Indonesia si dismissed Bamban, Tarlac Mayor Alice Guo.
Ayon kay Senator Sherwin Gatchalian, ipinarating sa kaniya ng NBI ang pagkakadakip kay Guo sa Tangerang City.
“Nahuli na si Guo Hua Ping aka Alice Guo sa Tangerang City, Jakarta, Indonesia. Mananagot ang dapat managot!,” ayon sa post ni Gatchalian sa kaniyang Facebook page.
Sinabi ni Gatchalian na hawak na ngayon ng Indonesian authorities si Guo.
Kinumpirma din ng Presidential Anti-Organized Crime Commission (PAOCC) ang pagkakadakip kay Guo. (DDC)
