Nakuhang langis mula sa lumubog na MT Terra Nova umabot na sa mahigit 806,000 liters

Umabot na sa mahigit 806,000 liters ng industrial fuel oil ang nakuha mula sa lumubog na MT Terra Nova.

Ayon sa update mula sa kinuhang salvor na Harbor Star, sa pagpapatuloy ng operasyon, mula Aug. 19 hanggang Aug. 28 ay nakakulekta ng mahigit 232,000 na litro ng langis.

Ang MT Terra Nova ay may kargang 1.4 million liters ng industrial oil nang ito ay lumubog.

Patuloy pa ang ginagawang recovery operations sa lumubog na tanker.

Ang mga diver ay nag-inspeksyon din sa mga pump at hose ng barko at wala ng nakitang anumang senyales ng leakage sa ginawang underwater survey. (DDC)