Coast Guard nagsasagawa ng search and rescue operations sa nawawalang anim na pasahero ng isang motorbanca sa Sulu

Pinaghahanap ng mga tauhan ng Philippine Coast Guard ang anim na pasahero kabilang ang tatlong menor de edad na lulan ng nawalang jungkong-type motorbanca sa karagatang sakop ng Basilan at Sulu.

Naglayag ang naturang motorbanca galing sa Barangay Marang-Marang, Isabela Cit noong December 29, 2020.

Gayunman, bigo itong makarating sa destinasyon nito at iniulat na nawawala simula pa noong December 31, 2020.

Ayon sa coast guard hindi na din matawagan ang cellphone ng mga lulan ng bangka.

Agad nagpadala ng maritime patrol teams ang coast guard sa lugar para magsagawa ng search and rescue operations.

Niradyuhan na din ng PCG ang lahat ng transiting vessels sakaling mamataan nila ang motorbanca at mga sakay nito.