HVI arestado sa buy-bust, P408K shabu nakumpiska sa Taguig City
Naaresto ng mga operatiba ng Station Drug Enforcement Unit (SDEU) ng Taguig City Police ang isang high-value individual (HVI) at nakumpiska ang ₱408,000 na halaga ng umano’y shabu sa ikinasang buy-bust operation sa Barangay Cembo sa lungsod.
Ayon sa natanggap na report ng Southern Police District, ang naarestong suspek ay kinilalang si alyas “Romark,” 39-anyos.
Narekober ng otoridad mula sa suspek ang tinatayang 60 gramo ng hinihinalang shabu, buy-bust money, at pouch.
Inihahanda na ang pagsasampa ng kasong paglabag sa Comprehensive Dangerous Drugs Act of 2002 laban kay alyas Romark. (Bhelle Gamboa)
