Alice Guo bumiyahe patungong Indonesia ayon sa BI

Wala sa rekord ng Bureau of Immigration (BI) ang pag-alis ng bansa ni suspended Bamban Tarlac Mayor Alice Guo.

Ayon kay BI Commissioner Norman Tansingco malaki ang posibilidad na ilegal na lumabas ng bansa sa Guo at hindi dumaan sa pagbusisi ng Philippine immigration authorities.

Batay sa impormasyon na natanggap ni Tansingco si Guo na ang totoong pangalan ay Guo Huaping ay ilegal na lumabas ng bansa patungong Malaysia noong July 21.

Sa intelligence information na nakuha ng BI mula sa counterparts nito abroad mula Malaysia ay bumiyahe si Guo pa- Singapore, kasama si Shiela Leal Guo at Wesley Leal Guo.

Natanggap din ni Tansingco ang intelligence information na mula Singapore, ang grupo ni Guo ay bumiyahe patungong Indonesia.

Ani Tansingco bagaman si Guo ay nasa listahan ng immigration lookout bulletin (ILBO), ang pag alis nya sa bansa ay wala sa system at centralized database ng ahensya.

Ani Tansingco mas mapapabilis ang extradition kay Guo kapag nalansela na ang kaniyang mga travel documents. (DDC)