Panghapong klase sa lahat ng antas sa Las Piñas suspendido
Sinuspinde ng Pamahalaang Lungsod ng Las Piñas ang panghapong klase sa lahat ng antas sa mga paaralan sa lungsod ngayong Lunes, Agosto 19.
Ang suspensiyon ng klase ay bunsod ng panganib na dulot ng hindi magandang kalidad ng hangin na nagmumula sa smog ng Bulkang Taal.
Pinapayuhan ang mamamayan na magsuot ng face mask sa tuwing lalabas upang hindi makalanghap ng maruming hangin na banta sa ating kalusugan. (Bhelle Gamboa)
