Lalaki patay matapos pagbabarilin sa Calbayog City

Patay ang isang lalaki makaraang pagbabarilin riding-in-tandem sa Calbayog City.

Nangyari ang insidente noong umaga ng Aug. 14 sa Rama St. Brgy. East Awang

Nakilala ang biktima na si Roque Rivera, 45-anyos na residente ng nasabing barangay.

Sa inisyal na imbestigasyon ng Calbayog City Police Station, nag-iigib lamang ng tubig ang biktima nang dumating ang mga suspek lulan ng motorsiklo.

Bumaba ang angkas ng motorsiklo at saka pinaputukan ang biktima.

Naisugod pa sa Calbayog District Hospital ang biktima pero idineklara itong dead on arrival.

Nakuha sa pinangyarihan ng krimen ang labingapat na basyo ng bala ng kalibre 5.56 na baril at isang deformed slug.

Patuloy pa ang imbestigasyon ng pulisya sa insidente at nagkasa na rin ng hot pursuit operation para maaresto ang mga suspek. (Miriam Timan / IR Calbayog)