Las Piñas LGU magsasagawa ng health and wellnes caravan para sa mga residente

Magsasagawa ang Pamahalaang Lungsod ng Las Piñas ng health and wellness caravan para sa mga residente sa lungsod, bukas, Agosto 14.

Layunin ng health caravan na ito mula sa inisyatiba nina Mayor Mel Aguilar at Vice Mayor April Aguilar, na maghandog ng libre at dekalidad na serbisyong medikal sa mga Las Piñeros na gaganapin sa Almanza Uno Covered Court, Barangay Almanza Uno sa ganap na alas-8:00 ng umaga hanggang 2:00 ng hapon ng Miyerkules.

Hinihikayat ng lokal na pamahalaan ang mga Las Piñero na nangangailangan ng atensiyong medikal na samantalahin ang nasabing programa upang makatanggap ng libreng iba’t ibang serbisyo.

Ang naturang caravan ay pangangasiwaan ng mga doktor at health professionals mula sa City Health Office. (Bhelle Gamboa)