Dating kapitan ng barangay sa Antipolo patay sa pamamaril

Nasawi sa pamamaril ang isang dating kapitan ng barangay sa Antipolo City.

Ayon sa impormasyon mula sa Antipolo City Government, nangyari ang pananambag sa biktimang si Oca Tamayao pasado ala 1:00 ng hapon ngayong araw ngayong Sabado, Jan. 2.

Si Tamayao ay dating kapitan ng Brgy. Sta. Cruz.

Ayon sa paunang imbestigasyon at kuha ng CCTV footage, minamaneho ng dating kapitan ang kanyang puting van nang pagbabarilin ng riding in tandem sa old PNP checkpoint sa kanto ng Olalia Road at Sumulong Highway.

Naglaan na ng pabuyang P200,000 ang pamahalaang lungsod ng Antipolo para sa sinumang makakapagbigay ng impormasyon na makakatulong upang matukoy at madakip ang mga suspek. (D. Cargullo)