Mga miyembro ng FAMRC sa Sta. Cruz, Laguna binigyang-pugay ng alkalde

Sa pamamagitan ng isang munting salu-salo, nakiisa si Sta. Cruz, Laguna Mayor Edgar “KUYA EGAY” San Luis na nagbigay-pugay sa mga miyembro ng FARMC mula sa Brgy. Calios at Brgy. Santo Angel Central ng Sta. Cruz, Laguna.

Ayon kay San Luis, sa pamamagitan ng pagpupursige, pagtulong at pagsisikap, ang daluyan ng tubig baha sa kanilang barangay ay unti-unting naisaayos.

Aniya, ang walang sawang suporta ng mga residente ay hindi lamang isang pagkilos, kundi isang simbolo ng pagkakaisa at malasakit para sa kanilang bayan.

Lubos ang pasasalamat ng Alkalde sa mga miyembro ng FARMC at sa Santa Cruz Aquatic Hunters dahil mahalagang ambag ito sa komunidad.

Kasama ang mga mangingisda na nagbahagi ng kanilang kaalaman, nagpatunay lamamg ito ng sama-samang pagkilos, matatagpuan din dito ang pangmatagalang solusyon sa pagbaha.

Dagdag pa ni San Luis, na sama-sama itaguyod ang isang ligtas at maunlad na Santa Cruz. (Ronda Balita Probinsya / JR Narit)